أضف سؤال أو موضوع جديد          

مشكلةالطنجرة القير في الهمر h3 2006 نفس قطع البليزر حياكم

up 0 down 0
خالد العدوانيـ 6
قبل 8 سنه و 2 شهر



السلام عليكم ... باختصار

سيارتي همر اتش 3 نفس البليزر بالضبط
المشكلة :
قبل شهر بالظبط

الساعه 12 الظهر ماشي من البيت القير يبدل عادي ما فيه مشكلة
بعد مرور ساعتين
السيارة وهي واقفه وابي امشي
امشيـــها اشوي وفي لحضة التبديل لنمره 2 يهنق او يضيع اشوي ويلقم انا لازم افك رجلي من البنزين عشان يلقم وادوس عادي بس لو جلست مثبت رجلي على الدواسة على سرعة محدده ما يبدل يجلس يطلع صوت مدري كيف غريب ارر اررر اررر كذا

______________

وطبعا يوم اجي اهدي من 120 يطلع صوت مثل الونه
الونه لها كذا سبب وهو يا بيرنقات او كارونه امامية او طنجرة القير
المحل يقولي المشاكل كلها من الطنجرة ومحلات تقول من الكارونه

____________________

النجرة كيف اعرف انها خربت او تعطلت وايش الاسباب معقولة الحرارة تخليها تعلق او تهنق وكيف اعرف ان الطنجرة مضروبة اتمنى احد يشرحلي لاني رحلت لاكثر من 6 ورش ودافع بس فحوصات على 600 ريال ولا احد اعطاني الحل الرئيس كلن يبي يجرب ..... وانا من الجبيل الي يقدر يفديني الله يجزاه خير في هالايام الفضيلة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والعزم اختلف من بعد هالمشكلة احسه طايح


up 0 down 0
خالد العدوانيـ 6
قبل 8 سنه و 2 شهر



تنبية... والسيارة بارده ماشاء الله عليها التبديل رووعه والاصوات ما فيه

بس بعد ما يصير الجو حار وحرارة الجو مرتفعه
تطلع التعليق بالقير والتنهيق وكذاا


up 0 down 0
خالد العدوانيـ 6
قبل 8 سنه و 2 شهر



وعليكم السلام ورحمه الله وبركاته

مشكلتك يخوي والله اعلم كهربائية مالها دخل بالطنجره
واحياناً ترا الفحص الإلكتروني يبالغ مثلاً لو فيه رايش تسبب في سدد بمجاري مخ القير
الفحص الالكتروني يعطيك مخ القير كامل يحتاج تغير والمسئلة ماتحتاج تغيير فقط فك نظف وطبق وصلى الله وبارك

عموماً الطنجره نادر ماتخرب واسباب خرابها
التأخر وعدم تغيير زيت القير
نقص زيت القير

من علامات خراب الطنجرة
ضعف ملحوظ في قومة السيارة
صوت قوي (جرش) مستمر
رجه مستمرة تبدأ من سرعه 70 كلم تقريباً وتختفي في السرعات العالية


up 0 down 0
abo kayan-55 652
قبل 8 سنه و 2 شهر



اذا المشكله عندك والسيارة حاميه فقط
اعتقد مشكلتك بزيت القير مو اصلي
عدو القير التماتيك الحرارة فلابد تختار زيت اصلي وموصى عليه
اذا مغير زيت القير والفلتر بالوكالة 90% المشكله منهم لإنهم يستخدمون زيوت ايسي ديلكو
ايضاً ممكن من مواصير مبرد القير مسدوده من الاوساخ والرايش او فيها عفط ومقفل دوران الزيت
وكلها تسبب حراره لزيت القير ولاتهون الصفاية
لعلك تسأل احد يدلك على ناس متخصصين بالقيور سواءً بالجبيل او بالدمام
قبل لا تخسر نفسك


up 0 down 0
abo kayan-55 652
قبل 8 سنه و 2 شهر





اخوي الطنجره حب علمي عشق السياره وادعس بنزين وفرامل شوف صوت طقه او لاوشوف تتحرك او ثابته ولاحظ ضغط الماكينه اذا صوت طقه يمكن طنجره اذا تمشي كلتشات القير

واغلب الظن ان حساس القير وافحص كمبيوتر يبين معاك


up 0 down 0
باستوس 22
قبل 8 سنه و 2 شهر