أيهم أقل تكلفة شراء ماكينة من التشليح أو التوضيب

لاتوضب توضيبها جداً صعب ونادراً اللي يفهم لها وبنفس الوقت قطع الغيار الخاصه بالمكينه يبي لها شهور الين توصل لك انا وضبته مرتين كل توضيبه ب 9000 والله انها ترجع تخبط مره ثانيه بعد انتهاء الضمان الخاص بالتوضيب فنصيحتي لك روح التشليح واخذ مكينه من هناك وعليها ضمان شرط المكينه تكون راكبه في الموتر وحاول تاخذ ضمان زياده اذا قدرت تتخلص من الموتر بسعر طيب ف لا تتردد لأنه بيتعبك مثل ماهلكني

من وين ياراعي الهمر ؟
لو من الدمام أدلك على واحد في الصناعية (الخضرية) شايب يمني تخصص توضيب 8 سلندر وبالذات أمريكي
وبالنسبة للقطع فيه قطع توظيب ماركة فيدرال أمريكي أفضل الموجود في السوق بعد الأصلي طبعاً


وتقبل مروري واحترامي

وبالنسبة للتوظيب أنت راح تكون عارف وش حطيت في مكينتك لكن تشري من التشاليح يمكن فيها نقص زيت يمكن موظبه ماتدري لكن وظب واعرف وش حطيت في مكينتك عشان ترتاح

كلامكم صحيح وعين العقل وهذا اللي سويته من قبل وضبت لكن اللي بهذلني السياره تجلس 3 شهور بالورشه وشهر معي وثلاثه شهور بالورشه وشهر معي بسبب هالتخبييط مع العلم ان الورشه اللي رحت لها فلبين وفاهمين وموضبين 3 همرات قدامي لكن قطع الغيار تحتاج طلبيه وتطول من الوكاله

يعتمد التوضيب على كفاءة المهندس في المقام الاول طبعا توفيق الله قبل كل شي
تانيا القطع الخاصة بالتوضيب ولانها خاصة بالمكينة وجزء حساس ومهم في السيارة يفترض ان القطع تكون اصلية
درجة اولى

تالت حاجة بعد التوضيب يجب السيارة تاخذ راحتها في المشي لان المكينة قاسية وثقيلة
واغلب الزبائن للاسف يضغط على السيارة بدون تمرين ولا متابعة في الزيت وتخبط على طول

ماعندي خبرة في الجديد

لكن الافضل توضب مكينتك لو حصلت قطع اصلية ومهندس فاهم شغله صح

أبو تمام

لو تشاركنا برقم ومحل الشايب اليمني لتعم الفائدة أكون لك من الشاكرين

اشتر مكينة جاية من امريكا

فيه بعض المحلات تستورد

مكاين و جيرات ودفرنسات من امريكا

تجي نظيفة جدا جدا و بسعر لا بآس

اسمه راشد اليماني (أبوأحمد) مشهوووووووووووور في الخضرية له تقريباً 25 سنة توظيب
بالنسبة لرقمه ما أعرفه ومحله سهل بالوصف يوضح
"إشارة سيهات اللي على شارع الملك سعود تلف من عندها يسار وتتجه جنوب وتمشي إلى أن توصل قبل إشارة شارع الملك عبدالعزيز فيه فتحة في الرصيف(U.Turn) تلف منها يسار وتتوجه غرب وأول لفة يسار تاخذ معها وتمشي لين آخر الشارع الورشة في وجهك" وإذا ضيعت تسأل عن راشد اليماني (أبو أحمد) يدلونك الورش
أتمنى يكون الوصف واضح
وتقبل مروري واحترامي

انا قرررت اوظب المكينه علما انها خمس سرندل والله يستر

شباب الي يبغى عمود الكرنك يتواصل معي 0535157704

سلام عليكم أنا عند همر إنش 3 2008 المكينه صلبت ويش التصليب تخبيط أو يبغاء لها قطعه دخل المكينه بله حد يكلمني