أضف سؤال أو موضوع جديد          

قصتي اول ماتعلمت اسوق ..... اذا فاضي حياك الله

up 18 down 8



سلام عليكم




اسعد الله اوقاتكم بكل خير





ببدا بالقصه على طول..




تخبرون أول ماتتعلم قيادة السياره مايجيك النوم ماغير تفكر كيف تسوق السياره  ويضربك بلا




على السياره ماتتحرك الاّ وانت عارف من اللي راح فيها ولو الود ودك تكون السواق حقهم




طبعاً ذي قصتي أول ماتعلمت على يد أخوي الكبير يقول ابيك تخدم الشايب وتخدمني يوم يكون




عندي مشوار مع الشباب  عاد انا ماصدقت قلت ابشر ورحنا انا وياه وعلمني كيف اعشق




وعلى الفرامل والكلتش والمرايه وكيف ترويس ( ورا ) ..




المهم اني تعلمت الاساسيات وكل شوي وانا بغمارة الموتر اعشق والف واتخيل اني اسوق




ضربني الشايب المره الاولى والثانيه والثالثه وووو مالقى لي علاج 




وتخبرون الشيبان عقب صلاة المغرب يروحون لم السوق يقضون خبر ومقيضيات للعشاء والفطور




قال اخوي الكبير اليوم وانا خوك لا نطلع من صلاة المغرب الاّ وانت على طارة الموتر




الوكاد لزمة الوصاة وعقب سلّمنا من الصلاة وانا اشيل عمري الاّ وانا جالس بالسياره انتظر الشايب




عقب خمس دقايق الاّ اخوي الكبير والشايب طالعين من المسجد وأبوي يرسل اخوي لم البيت يشوفهم




وش يبغون من اغراض ! راح اخوي والشايب جاء لم الموتر الاّ السواق على الطاره




قم ماتعرف تسوق لا تقلبنا وانا اتحايله تكفى يبه الى الازفلت بس كان الخط بر مسافة 10 كيلو




واثناء الحديث الاّ وأخوي الكبير جاء قال لأبوي خله يسوق للإزفلت وعقب انا اسوق ؟




وافق الشايب ( الموتر ونيت غماره ) ركب اخوي بالوسط بيني وبين الشايب والشايب ع الباب




وانا ع الطاره وانا ادق سلف الموتر وهو يطفي  وادق سلفه وهو يطفي الوكاد رابع مره اشتغل




وانا اعشق واسمي بالرحمن  وامشي وامشي وامشي بالموتر على مهلي وابتعد عن الحصاء ( الحجر )




الوكاد قبل الإزفلت بـ 1 كيلو كان فيه ملعب كوره للشباب وكان ممهد ومستوي للتفحيط 




لـ هالحين ماطرالي افحط ولا واحد في المئه ؟ قال اخوي الكبير بالله فحط بنا  قلت لا خايف




من الشايب قال انا اكلمه طبعاً الكلام ( همس ) بيني وبينه ! قال اخوي الكبير يايبه هذا يبي يفحط




قال الشايب خله يفحط !! الشايب يوم قالها كان يهز رأسه يعني لو فيك خير فحط بس ؟




قال اخوي ابوي وافق يقول خله يفحط ؟ طبعاً استغربت من موافقة الشايب 




قلت بتأكد بنفسي ! وانا اطالع بأبوي قلت يبه افحط ؟ وهو يهز راسه قال ايه ايه فحط !!




وانا على سرعتي وانا ادخل بالملعب لأنه كان ع الخط مباشره ممكن امشي 60 وانا اطق البريك




تخبرون اول مره تسوق واول مره تفحط ماتدري وش تسوّي ! والمشكله انه بالبر والموتر




في البر دام رجلك ع البنزين وانت في وضع دوران مستحيل تمسكه يقعد يلعب لعب 




وانا اخذ خمستين ومع الغبار ماعاد اشوف صرت من الخوف داعس ع البنزين وقافل الطاره




وانا اصدم بالشجره وان الكبوت والإديتر والشبك والأنوار رايحتن فيها




ولا دريت غير الكف يمشي 200 ويشهد الله ياجاني مغط بالعقال لو بعير ليبرك




عاد واحد من الجماعه كان ورانا قبل نفحط وشافنا يوم فحطنا وجاء كان يبي يضربنا يحسبنا




أنا واخوي اللي بالموتر ويوم وقف عندنا الاّ يشوف الشايب




قال ماشاء الله هذا انت وعيالك أنتم بعقولكم ؟ والله انكم مجنن ؟ قال الشايب الورع دخل بالمراغه




وقعد يفحط وانا كنت نعسان ؟ قلت لا والله ابوي قال فحط  عاد وقتها ركب اخوي والشايب




مع جارنا اللي كان يمشي ورانا وقال ابوي انت رح للبيت كعابي




والى هاليوم كل ماذكرت القصه للشايب يضحك




عسى القصه اعجبتكم 


واتمنى لايكات بيض الله وجيهكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هههههههههههههه

ذكريات قشرا

الله يخلي لكم الشايب

وتستاهل +1


up 0 down 1
amear 1347
قبل 6 سنه و 8 شهر



هههههههههههههههههههههه 


up 0 down 0
ابو ناشي الزهراني 549
قبل 6 سنه و 8 شهر



اولا ابوك الله يخليه لكم ، وانه متفهم وروحة سمحة
ثانيا الي عجبني وتخيلت شكلك فيه وقتها ،، يوم قلك الشياب ... ايه فحط 
وانت عشان لايغير ويتراجع بكلامة ههههههههههههههههههههه هذا المشهد هو قتلني ضحك ، شكل والطار والدعسة كلها ع وضع
التصلبيب والجمود..
طيب استعد تهيأ ع طووووووول ع الملعب حتى ماخليت حد يستوعب وش بتسوى هو انتحار والا ايش
شكرا ع القصة +1


up 0 down 0
aziz..747.. 2420
قبل 6 سنه و 8 شهر



الله يعطيك العافيه قصه جميله والله امتعتنا الله يسعدك ويخلي لكم الشايب ولايحرمكم منه والله الشيبان مافيه زيهم ولك لايك+1


up 0 down 0
ابو خالد . 77
قبل 6 سنه و 8 شهر



امين و مشكورين على مروركم 


up 0 down 0
الزهراني 99 132
قبل 6 سنه و 8 شهر



بصراحه قصتك مضحكه تذكرني باخوي الكبير يوم اخذ مفتاح الهلي موديله 79 و المشكله كان محمل اعلاف للحلال و ركبنا انا و 2 من اخواني قلنا اركبو نتمشا  كان وقتها عز الظهر و الوالد نايم سمع صوت الهلي يوم تحرك  و طلع بسرعه ينادي و احنا نشوف  له و اخوي اسرع و اخذ بنا لفه على القريه و رجعنا جهت البيت و كان الوالد واقف و جاء اخوي مسرع و صدم خزان الماء حق البيت و شرد و انا واخواني ما عرفنا نشرد  و اكلنا الضرب بدله 


up 1 down 0
bkry 66
قبل 6 سنه و 8 شهر



عز الله انها من احلا الايام


up 1 down 1
sehly11 648
قبل 6 سنه و 8 شهر



"  قلت لا والله ابوي قال فحط "

هههههههههههههههههههههههههههههههههههههه


up 1 down 0
shecoo 565
قبل 6 سنه و 8 شهر



ههههههههه


والله أبوك شبابي ما شاء الله


لو أنا سألت ابوي الله يرحمة أفحط؟ كان جاني الكف يمشي مليون على السؤال بس


up 1 down 0
أبو عبادة 4852
قبل 6 سنه و 8 شهر



هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

الله يسعدك زي ما اسعدتني بالقصه ذي


up 0 down 0
fasoly 125
قبل 6 سنه و 8 شهر



تسلم على القصه. ياطاررره ههههههههههههه ولك احلا لايك


up 0 down 0
مراجل 194
قبل 6 سنه و 8 شهر



هههههههههه لو اقدر اعطيك لايك كان عطيتك بس مقدر<< فيس حزين >>


up 1 down 0
mmw0039 56
قبل 6 سنه و 8 شهر



" قلت لا والله ابوي قال فحط "

ههههههههههههههههههههههههه نكبت أبووك


up 0 down 0
التاجر الموفق 404
قبل 6 سنه و 8 شهر



انا تعلمت على مرسيدس 300 
كانت سهله ﻻن السيارة ثابته 


up 0 down 0
i6rb_ 160
قبل 6 سنه و 7 شهر



كانت سرعتي 35 كيلو متر ما اتعداها ههههههههههههه لو تعديتها يجيني كف


up 0 down 0
i6rb_ 160
قبل 6 سنه و 7 شهر



تسلم عالقصه ممتازه


up 0 down 0
abo-malik-z71
قبل 6 سنه و 6 شهر