همر h2 وش رايكم نصايحكم

همر اتش 2 يصلح لستخدام اليومي  ماضنيت يصلح  صيانته كثيره ومتعب بسواقه وزحمه 
  انا اقول ارفع ثوبك وهج  عنه  هذا رايي شخصي 

الله يعطيكم العافيه 
ونتتظر باقي الاعضاء و المجربين ونشوف كلامهم

غرفة نوم متنقله ..!

مايزبط للاستخدام اليومي وقطعه غاليه 
افضل انك تاخد جمس 

زميلي كان معه واحد
جته فتره خطر ما يرقد في الورشه من كثر ما رابط عندهم 

ويوم جا يبيعه ابتلش به وقعد عنده ثلاث شهور يالله باعه 

موتر غثيث في البيع والاستخدام 
الكبير اتش 2 افضل منه مع انه قطع يوكن ميكانيكيا لكنه ايضا غثيث من ناحية الحجم والبيع 

اصرف النظر بارك الله فيك
المفئة هذي السيارات فيها كثيرة وانواعها ما تخلص 

شوف اخى انا من ملاك الهمر وسافيدك بتجاربى
اولا الH2 سيارة كشخة وسيارة بر ما شاء الله حتى لو 2003 مازالت كشخة - الماكينة والجير قطع غيارهم نفس قطع الدينالى تماما يعنى متوفرة - قطع البودى متوفرة اضا ولكن سعرها مرتفع بس اتوقع ما هاتحتاجها الا اذا صدمت شاحنة او باص هههههه

فى المدينة متعب قليلا لان حجمه كبر ولازم تخلى بالك حتى لا يدعى عليك بقية السائقيين يعنى لازم تخاف الله عند قيادته وتكون مركز جدا من كل النواحى

فى الخط راااااااااااحة كانك فى كاديلك ولكن صوت الهواء فوق 120 عالى بسبب ان السيارة غير انسيابية طبعا يسكر ال180 كم بالراحة وثبات خرافى بسبب وزنه يعنى هو موتر بر وسفريات وطلعات تتمشى بيه فى المدينة يتعبك بسبب حجمه

لو كشاورك فى المدينة وطلعات وسفريات انصحك بالH3 عملى اكثر وقومته قوية ومناسب للمدينة وفى البر ماشاء الله وحش

اخوي رائد ليش قلت غرفة نوم متنقله

اخوي ابو عزام انا ماعندي عايله علشان اخذ جمس<<<<عزابي

naac 2 ممكن تقول ولي وش هي السيارات لي في فئته جزاك الله خير

اخوي raouf1 
h3 يقولون انه 5 سلندر وش رايك انت في الكلام هذا واتمنى تفدني اكثر بخصوص h3 ويعطيك العافيه

عندم الاكاديا والترافيرس والمازدا سي اكس ناين طبعا هذي كروس اوفر يعني يا دفع امامي او رباعي

واذا بغيت SUV :
من الياباني فورشنر وبرادو وباجيرو 
الامريكي فيه الجراند شيروكي والدورانجو والبليزر والانفوي وووو

الاهم ميزانيتك هي الي تحدد الخيارات 

والله ياخوك انا بابدل 

لقيت ذول الاثنين مديل 2003
h2
واحد ماشي 152
الثاني 292
وش رايكم كم تتوقع اسعرها

حجمه كبير وثقيل ومتعب جدا في الزحمه وفي المواقف ويشرب بنزين بشكل مايتصور 

يمكن أبو عزّام يقصد جمس جمس يعني أبو صندوق.
وأنا معه في رايه تلاقي سييرا 2007 دبل سياحي في الاربعينيات او الخمسينيات حسب النظافة.
موتر عز ويخدمك في كل الحاجات سواء سفر مريح وهادئ ومعزول أو تحميل أو تطعيس.
أو الثلاثة معاً.

naac
من جدّك؟!
الرجال يسأل عن موتر دفع رباعي كبير ضخم اجيب له ذا البكوس المرفّعة؟!
و SUV تقول له انحش عن الهمر وخذ انفوي او تريلبليزر المواتر القديمة المكروهة بسبب غثاها!!
واليابان فيها مواتر كثيرة غير اللي ذكرت، عندك الباترول العادي وعندك الاكستيرا والباثفايندر وتويوتا اف جي اطلق من الفورتشتر والبرادو للي يبي نفس فئة الهمر.

يا الله 

اقسم بالله اني اعتقدت انك تقصد الـ H3 ياغيث 
العتب عالنظر 

مادري وش جاني درعمت ورديت 
ولو رجعت لردي بتشوف اني اقصد الاتش 3

والسبب من الاعلان الي طلع لي عاليسار عن H3


عموما كلامي الي في الرد الي فوق اقصد به الـ H3
ولا اقصد به الـ H2

الـ H2 ميكانيكيا هو هو التاهو واليوكن مع اختلافات البودي والدفرنس
الموتر غثيث في الاستخدام اليومي

والسموحة منك

هههههههه عوافي يرجال واحد ماهو معصم من الخطاء وجزاك الله خير
ابو جوان معي موتر 2009 سلفرادو مابه خلاف ولكن مجرد تغيروحبينا ننجرب الهمر ولكن من الواضح انه معقد
وصعب استخدمه نشوف لنا موتر غيره والله يرزقكـ ويرزقنا
ماجد يعطيك العافيه الحمد لله اننا في دوله البنزين فيها رخيص ولا مكان شفنا بعض السيارات

تجي تسأل شرايك في الهمر يقولك عندك الفورتشنر اطلق منه !
وش جاب لجاب الفورتشنر حمار كد ومافيه فخامه والهمر فندق 5 نجوم متنقل

انا رأيي لك ياصاحب الموضوع انك اذا لقيت همر رخيص اشتر
واذا لقيت همر سعره بحدود 80 الف ريال وطاالع لا والله اسحب ميه سيفون على الهمر
اخذ لي تاهو ولا يوكن احسن واشتري راحتي ...