موضوع للنقاش واختلاف في الرأي لايفسد من الود قضيه

وانا بعد اتفق معاك لكن قليل جداً السيارات اللي سعرها معقول ومو غاليه

علا حسب بعضهم والله سعره مناسب وبعضهم وهو الغالب ان السعر مبالغ فيه جدا

انا شخصيا اشتريت على فترات متفاوته سيارتين بس والله بعد مكالمة صاحب السيارة والمقابله معه تم تخفيض السعر اقل بي حوالي 4000 ريال كل على حسب نصيبة وكلة بمشيئة الله سبحانة وتعالى

اخر شي افكر فيه اني اشتري من موقع حراج مع احترامي
مبالغين بالسومات على قولهم (عالجوال ولا الخاص) كذب بالفاضي

متفق معاكم مليييييييييييييييييييييييييييييييييييييون % .

اتفق معك شكلين ما بحكي كلامك صح


يا شيخ انا شفت اعلان سوبربان ال اس اقل فئة 2008  المطلوب 95 الف والسيارة ماتسوى 80 الف 


كلها سومات فاضية ما في احد جاد 

فيه اسعار مناسبه وفيه اسعار مبالغ فيها وهو الاكثر لعدم الجديه
يقول ان جابتلي هالسعر بعت
اما الجاد فالبيع بتحصل قيمتها مناسبه
وانا اشتريت مره من موقع حراج بسعر مناسب

المشكله يالغالي انه يجيك ناس تسوم ومهيب جادة ويعلقون صاحب الاعلان ينتظر اعلي من السومه...ناس جالسه قدام الكي بورد ..وتسوم ولا عندها نية تشتري والدليل اذا سويت اعلان ناس تسوم واذا دورتهم مالقيت حولك احد وقامو يتناحشون عنك ..علشان كذا انت شف السيارات اللي تقول عنها تنسام تجلس بالشهر والشهرين لو صاحب الاعلان محصلهم كان باع عليهم وحذف الاعلان ..هذي وجهة نظري بموضوعك ..

صادق صراحة الاسعار مبالغ فيها 
يعني اذا سيارة نظيفة موديل 2010 تسوا لها 70 
يجيك واحد مطفي النور معه 2007 يقول نظيفة على الشرط ومسيومه 66 وحادها ب 70 وش علاجه هذا 

حاولت اشتري عن طريق موقع حراج


لكن انصدمت بالسومات


وكل واحد عارض سيارته يقولك سيمت برى بس للاسف تكون السومه اكبر من قيمة السياره مثلا


ماركيز 2006 مسيوم ب65 الف ماشي 70 الف كيلو !!!! معروف انها مستحيل توصل لانه وصل لقيمة ال 2009 و 2010


واخرتها بعد اسبوعين الرجال نزل السومه الى 57 وعدل الاعلان طبعا حركه قديمه


صرت اي سياره اشوف عليها سومه اغسل يدي منها


وان لقيت السومه كويسه


اروح اشوفها على الطبيعه بس تطلع السياره مضروبه


اخ سياره رحت شفتها كانت فالشرقيه


طلع الرجال عارض صورها اول ماشراها من امريكا قبل 4 سنوات وهي نظيفه هههههههههههه


والسياره على الطبيعه بويتها حالتها حاله سيئه جدا


الشكمان يكب ماء بكثره لونه قريب من الاصفر واعتقد انه البلوف رايحه فيها


صوت البلوف طالع من المكينه وطبعا هذي كانت اخر سياره فحياتي افكر اشتريها مستخده فالسعوديه


بعدها قلت لخويي تبيني ادور لك سياره نبي ندور من الاستخدام الامريكي غير كذه مافيه روح دور بنفسك


وفعلا فقط يومين لقينا ماريكز ورده ماشاءالله تبارك الله

60 % من الاعضاء بالموقع شريطيه لانهم يدخلون بأكثر من معرف

واغلبهم كذابين ويزودون الاسعار بنفس الشخص عن طريق المعرفات الاخرى

حسبي الله عليهم

ونادرا ما تلاقي سياره يبي يبيعها من حاله في حاله

والله اتفقت مع واحد انه اشتري سياره وكلمته جوال وقالي السياره على الشرط 

قلت له يا رجال انا بأدق مشوار من جده الى الحويه بالطائف فتكفى اذا السياره فيها شي لا تخليني ادق مشوار ترى انا مو غشيم بالسيارات

قال اقول والله اذا اشتريت راح تدعي لي

المهم دقيت سلف وقابلته 

والله يا جماعه والله على ا اقول شهيد انه قبل يوصلني وانا اشوف الكفر اللي ورى يرقل قسم بالله

والجنب الايمن كله للسياره مرشوش والسقف ملحم نتيجه انقلاب

قلت له اسمع انا ماراح اشتري بس انت ما تخاف من ربك يومك تكذب 

قال فيه غيرك بيشتري

والله بعده ب 3 ايام لقيته بنفس السياره في معارض جده

رحت لمه وقلت باقي ما انباعت

سحبني على جنب
وقال والله انها ناشبه في حلقي وديتها الطايف ما انباعت ووديتها مكه ما نباعت وهالحين جبتها جده

قلت والله ما تنباع طول ما انت تكذب على الناس

قول الناس وش صار للسياره وثق تماما الله بيرزقك الزبون الشراي

يا هلا بأصحاب المواضيع الطيبه

في الحقيقة الكثير من الأشخاص يبتعدون عن الشراء أو عرض سيارتهم في الموقع بسبب عدم الجدية أو المبالغة في الأسعار

و من تجربتي في عرض سيارة لبيعها وجدت فعلا من يسوم بعدم رغبة فتجده يسوم و إذا وقفت عليه السومه تنصل بأمور تافهة
فقررت عرض السيارة في موقعي و عملت إعلان في أحد قروبات اﻹعلانات ب 200 ريال و يصل إلى 600 ألف بريد الكتروني فعال
و الحمد لله جاء زبونها واشتراها
وكان من نواتج اﻹعلان من اتصل بي يريد مثلها عدد 10 سيارات
و اتصل آخر يريد مثلها و أنظف و استوردت له أنظف منها و الحمد لله
ولم أتوقع حقيقة أن يكون كل هذا بسبب إعلان في مجموعة متخصصة في اﻹعلانات العامة بينما في هذا الموقع المتخصص في السيارات كانت النتائج غير مرضية

لكن ولكي لا نظلم بعض اﻹخوة ممن يرفع اﻷسعار أقول
توجد بعض السيارات المعروضة بسعر السوق أو أعلى لكنها أنظف من سيارات السوق فهنا لا يلام البائع في رفع السعر قليلا وليس بشكل غير منطقي
ﻷن السيارة قد تكون نظيفة بالصور و بالتقارير
أو يكون ممشى السيارة أقل من سيارات السوق بفارق ملحوظ
فهنا أساساً تكون مقارنة السيارة بسيارات السوق مجحفة ﻷننا نعلم بأن أغلب سيارات السوق ليست بتلك النظافة المرجوه وأكبر دليل أن التاجر لا يظهر لك تقارير السيارة ولا يثبت لك نظافتها ولا يقول لك على اﻷقل افحصها و إذا كان فيها مشكله فالفحص علينا. و أيضاً أغلب سيارات السوق ممشاها مرتفع - بالنسبة للمستورد - ﻷنه من المعلوم بأن السيارة ذات العداد المرتفع أرخص من السيارة ذات العدد المعتدل أو القليل, ولو تلاحظون أن ممشى السيارات العائلية في السوق يقارب ال 100 ألف ميل وذلك ﻷن أسعارها أرخص في أمريكا.
وكل هذه اﻷسباب التي يسخدمها التاجر هي بغرض التربح في السيارة بأكبر قدر ممكن
ناهيك أن بعض التجار يعدل في السيارة و يغش الزبون بتغيير لون أو تعديل عداد أو مواصفات, ومن الطريف أني كشفت على سيارة بالتقرير من نوع ماركيز 2007 جي إس من معارض جده فتفاجأت بأن صاحبها يقول لي أنها إل إس و العداد أقل مما كتب في التقرير فقلت له لقد وقعت ضحية عملية نصب محترمة من الطراز الثقيل
وثم تقابلنا ورأيت السيارة وكانت مغيره إلى إل إس و بمقاعد جلد و مقاعد رديف متحركة ولكن التاجر - الغبي - لم يضع الكشافات الأمامية

آسف على اﻹستطراد..المهم أنه يوجد في موقع حراج من يعرض بضاعة نظيفة و عداد أقل من السوق -سليم طبعاً- ويكون سعره مثل سعر السوق أو أقل وهنا لا أثرب عليه بأن يعرض سيارته بهذا السعر, لكن نجد بعض اﻹخوة يتضايق و ينزعج و يقول: أنا جيت حراج عشان ألقى أسعار أقل من السوق مو مثل السوق.
لكنه لو فحص البضاعه لوجدها أفضل مما في السوق، فإذا كنت سأشتري سيارة من الموقع بسعر السوق أو أغلى قليلا و لكنها أفضل مما في السوق فلما لا أشتري
النظيف سعره فيه و يستاهل ، طبعاً من غير مبالغة في السعر


وشكرا على الموضوع ولك لايك مدرعم 200

أشكركم على تفاعلكم في موضوعي وصراحه كلامكم وردودكم كانت في الصميم 
والحين في هذي اللحظه واحد منزل اعلان له اكثر من ثلاث اشهر والحين يسوي له تحديث وهذا يدل على ان السعر مبالغ فيه
او الصامل غير موجود . بس الاكيد الاكيد انه السعر مبالغ فيه باكثر من 10000 عن سعر السوق والمشكله انه مازال متعنت
ومصر الا بالقيمه الخياليه اللي هو طالبها .
طيب وش الحل في رايكم ؟
الحل بسيط : تحرك رجلينك وتنزل المعارض تدور على الموتر النظيف اللي بسعر السوق وراح تلقى 100%

انا والله قبل ٦ او ٧ اشهر كذا خوي كان معاه مسجل ازيرا
٢٠٠٨ وسوا حادث وحب يبيعها يقلي اخذتها من الوكالة
ب٩٠٠٠ وروح اسال المهم قلت ماعليك اعرضها هنا 
ومعروف ياشباب ٩٠٠٠ غالي وكان يبغا فيه نص القيمة
او اقل شوية والله انزل الموضوع اقسم بالله مبزرة 
في اعلاني وسب وملاعن والي مكذبني ناس والله ماتربت
وغير كذا تلقا واحد صامل معاك ويجيك يقول شاري ب١٠٠٠ ريال
علا قد ماتوضح كل شي والتفاصيل علا قد ماتلقا ناس نصابة 
ماتخاف الله

ياصاب الموضوع ليش





يوكن + تاهو + همر + مرسيدس +


في تويوتا فيه هونداي في نيسان

ابعطيك قاعده حطها في راسك
سيارات الامريكي اناس بدو يحبونا عشان الرحه والجوداه والمواصفات بصفه عماه

نجي لليوكن

سعره سعر السياه 230الف يعرضها بي 210 يعتبر ارخص وسياره مامشت باقي جديدا التاهو بدا يمسك سعره عشان الشباب مقبلين عليه بكثره
نجي للهمر انا اشوف انه ارخص من المعرض بي 10الف انا قبل فترا نزلة المعارض لقيد 2003 فل بدون هدرولك طالب75 بعد المكاسره بس سيارها نضيفها هنا بلموقع علا 60 وا65الف شوف لاندكروزر سعرها بي 294الف يعرضها بي 300ولا 290الف ها اغلا من الوكاله وهومستعمل

ياصاب الموضوع ليش   
يوكن + تاهو + همر + مرسيدس + 
ابعطيك قاعده حطها في راسك
سيارات الامريكي اناس بدو يحبونا عشان الرحه والجوداه والمواصفات بصفه عماه 
ياالجنوب كلامك على راسي وانا خصيت هالسيارات لانه واضح الغلا فيها .
والشي الثاني دامك تكلمت عن الراحه والجوده والمواصفات اعتقد انها موجوده في تويوتا اللاندكروزر وبشكل اكبر واميز عن غيرها من السيارات الامريكيه 
وصدقني لو تشيل شعار تويوتا وتركبه على يوكن او تاهو او اي سياره كانت وقتها راح تمسك سعرها وبالعكس راح يزيد سعرها فوق سعر الوكاله .