أضف سؤال أو موضوع جديد          

استفسار عن الهمر اتش 2 و اتش 3

up 1 down 0
eng.3amer 6
قبل 8 سنه و 11 شهر



السلام عليكم يا اخوان ،،

عندي استفسار لا هنتو وياريت أصحاب الخبره يفيدونا، وارجووووو رجااااء حااااار اللي ماعنده معلومة اكيده لا يفتي ويورط الناس.

قاعد افكر اشتري همر استخدام داخل البلد بس لا تطعيس ولا جبال ولا شي بس كده عجبني شكله، وشفتلي كم همر سواء اتش 2 أو اتش 3 ما بين 2006 - 2008 وفيه 8 سللندر وفيه 6 سلندر.

بس صراحة محتار لاني ما اعرف ولا سمعت ولا شي عن الهمر.

كيف خراباته هل هي كثيره ولا لأ ؟
كيف قطعه هل هي غالية، رخيصة، نادره، متوفره ؟
وهل فيه ميكانيكيه وكهربائيه يفهمو فيه ولا لأ؟
كيف صرفية البنزين؟ وكيف التكييف، عزم السيارة، حق خطوط ؟

يارييييييت الي عنده الخبره لا يبخل علي وعلى اخوانه بالفايده.
ربي يجزاكم خير ولا يتوهلكم رأي.

وشكراً ،،،

قال تعالى " مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ " .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


المكينه نفس مكينة الدينالي وبعض القطع نفس قطع اليوكن ما يختلف 
سياره خدومه وصبوره صرفية البنزين مرتفعه نسبيا 91 
الاعطال تكاد لاتذكر مثل اي سياره امريكيه ((والقطع رخيصه))
سياره ممتازه من جميع النواحي 
اذا كنت راعي سرعه --ماينفع للك -- 
شكله من الخارج يوحي باانه متعب في القياده ((واذا جربته راح تكتشف العكس))
___________________________________________________
اهم عيوبه هو ثقله فقط 
اذا بنشرت الله يعينك لازم احد يساعدك 
ارتفاع سعر الكفرات الخاصه فيه 
يخليك تدمن تطمر ارصفه
فقط 
__________________________
الكلام هذا عن H2 

سياره راااائعه جدا (اذا حصلت نظيف لاتتردد)


up 1 down 0
pt 2011 1389
قبل 8 سنه و 11 شهر



يعطيك العافية اخوي على ردك.
بانتظار المزيد


up 0 down 0
eng.3amer 6
قبل 8 سنه و 11 شهر



بالنسبه للاستهلاكيات ( كفرات ، فحمات ، بنزين ، زيوت ، الخ ) حتتعبك لتكرار تغيرها وقيمتها العاليه
بالنسبه للخطوط فهوا ممتاز لوسع مراتبه وراحتها ولكن يصرف بنزين بشكل خرافي ( الكلام للسائق فقط ) الركاب في الخلف مزعج في المسافات الطويله
بالنسبه للقطع فمثل ما ذكر الاخ بالرد الاول وكلامه جدا سليم
بس حط في بالك انقطاعه من الوكاله وبدء قطع غياره بالنفاذ


up 0 down 0
osama.amg 381
قبل 8 سنه و 11 شهر



اخوان مواتش 3      5 سلندر؟؟؟


up 0 down 0
ابوعابد_1414 1201
قبل 8 سنه و 11 شهر



طيب خذ هالمعلومات مني يمكن تفيدك

اخوي اللي اصغر مني اخذ همر اتش ٣. ٢٠٠٦ ماشي ٥٥ الف 

فحصنا الموتر وطلع نظيف ولله الحمد

ملاحظاتي على السياره

كأنك تسوق دينا.  بالضبببط.  ثقيييل. غثيث.  صوت المكيينه عالي جداً

والله ان اخوي يحححنن. الموتر من اللمس وماعمره نزل فيه بر او غيره الا ان الموتر يتنافض ومافيه عزم

وديناه نسوي له صيانه عند القرعاوي ومن هنا يبتدي الفلممم

والله حوووسه وش اخولك وش اخلي لكن عموماً هذاك الموتر مخبط ومرمي بالصناعيه وللعلم انه خبط من قبل ووضبه وماكمل ٤ شهور وخبط مره ثانيه

نصيحه من اخوك ابتعد عنه والله بيتعبك عندك الاف جي حليو وابيع لك. او اذا امكانياتك مناسبه عندك الجراند شروكير٢٠١١ تلقا مستخدم بحول ال ١٠٥ 

بخصوص الهمر  لو انت بالشرقيه  راسلني وتعال شوفه وجرب سواقته بنفسك

او حاول تجرب السياره مهما كلف الأمر بنفسسسك ولو تروح لقسم الصيانه بالجميح وتسأل عمال التصليح وتسوقه هناك وتجرب  والله يوفقك


up 0 down 0
شكلين مابحكي 3159
قبل 8 سنه و 11 شهر



أخوي "شكلين مابحكي"

تسلملي يارب على ردك يالغالي ونصيحتك، ماقصرت. عسى ربي يدلك عالخير وما يتوهك عنه.

تحياتي ،،،


up 0 down 0
eng.3amer 6
قبل 8 سنه و 11 شهر



سلام عليكم الحين انا كنت افكر اخد هامر بس صراحه من لي بسمعه منكم ولي بتكتبوه خوفتوني شو الحل 


up 0 down 0
ezzahra
قبل 7 سنه و 10 شهر



الحل اخذلك اف جي 


up 0 down 0
ابـــوعلياء
قبل 6 سنه و 12 شهر



اني ماوف كل هذا اشوف العكس وبالاخص انظار الناس لي 


up 0 down 0
huhym
قبل 5 سنه و 2 شهر



السلام عليكم الله يعطيك العافيه ي صاحب الاستفسار انا كان عندي نفس الكلام والسؤال لاكن أخذنا فكره عن الهمر
الله يجزاكم خير يالي قمتوا بالردود استفدنا منكم


up 0 down 0
القعقاع 97
قبل 4 سنه